Тэмы візіту Аляксандра Лукашэнкі ў СІЗА КДБ, яго сустрэчы з палітвязнямі і прапанаванага ўладамі дыялогу па рэформе Канстытуцыі на фоне жорсткіх разгонаў акцый пратэсту і пагаршэння адносінаў з Захадам застаюцца асноўнымі ўжо некалькі дзён. Праявай сілы ці слабасці стаў прыезд Лукашэнкі ў СІЗА КДБ і навошта нам новая Канстытуцыя? Ці маюць для Лукашэнкі значэнне санкцыі і заклікі еўрапейскіх лідараў спыніць гвалт? Ці скарыстаецца Масква сітуацыяй у Беларусі і як? Разважае каардынатар праграмы “Знешняя палітыка Беларусі” Савета па міжнародных адносінах “Мінскі дыялог” Дзяніс Мельянцоў.
