Апаненты беларускага рэжыму папракаюць Еўрасаюз яго павольнай рэакцыяй на падзеі ў нашай краіне і затрымкай з увядзеннем новых санкцый. З іншага боку, паведамляецца, што ў хуткім часе ў Бруселі разгледзяць дакумент, дзе выкладзеныя чатыры варыянты палітыкі Еўрасаюза ў дачыненні да Беларусі. Прычым чацвёрты варыянт вельмі жорсткі — да разрыву дыпламатычных адносін. Ці магчыма, што ЕС ухваліць жорсткую палітыку ў дачыненні да Беларусі? Ці зацікаўлены Мінск ў паляпшэнні адносін з Захадам і ці гатовы хоць што-небудзь зрабіць для гэтага? Ці далёка мы ад стану дыктатуры і ці магчыма склеіць падзеленае грамадства? На гэтыя ды іншыя пытанні адказаў дырэктар Савета па міжнародных адносінах “Мінскі дыялог” Яўген Прэйгерман.
